《我的機械人女友》話事

多 媒 睇
《我的機械人女友》話 事

75 分

郭 在 容 的 《 我 的 野 蠻 女 友 》 跟 《 假 如 愛 有 天 意 》 成 功 開 啟 了 一 種 有 特 色 的 愛 情 電 影 風 格 ， 加 入 了 香 港 資 金 ， 被 安 排 下 自 我 翻 炒 一 次 的 《 野 蠻 師 姐 》 ， 成 績 令 人 慘 不 忍 睹 。 事 隔 幾 年 ， 拍 日 本 片 ， 資 金 更 大 ， 但 戲 名 叫 《 我 的 機 械 人 女 友 》 ， 你 驚 唔 驚 ？

格 局 也 的 確 相 似 。 選 來 小 出 惠 介 做 男 主 角 ， 不 外 是 貪 佢 唔 靚 仔 但 討 好 ， 似 足 車 太 鉉 ； 綾 瀨 遙 的 角 色 則 基 本 上 是 全 智 賢 的 變 奏 。 劇 情 呢 ？ 劇 情 講 未 來 的 人 派 了 機 械 美 女 回 現 代 保 護 現 代 的 自 己 。 因 為 剛 睇 完 《 太 空 奇 兵 ‧ 威 E 》 ， 對 機 械 人 的 愛 情 心 存 厚 望 ， 對 ， 我 已 經 不 是 拿 經 典 的 《 野 蠻 女 友 》 來 無 理 比 較 了 ， 但 兩 位 主 角 的 相 處 過 程 ， 就 是 缺 乏 了 令 人 感 動 的 場 面 ， 到 最 後 彷 彿 有 料 到 了 ， 擦 出 愛 火 了 ， 喂 ， 點 解 我 無 感 覺 ？ 莫 講 話 喊 ， 直 頭 係 覺 得 有 少 少 夾 硬 來 。 導 演 一 貫 在 結 局 的 扭 橋 ， 我 不 方 便 在 這 裡 透 露 詳 情 ， 但 或 者 道 出 了 為 什 麼 會 睇 得 有 點 無 癮 的 原 因 ： 愛 情 不 能 一 廂 情 願 呀 ， 你 話 好 鍾 意 好 愛 ， 就 等 於 對 面 一 個 一 定 好 鍾 意 好 愛 嗎 ？ 係 ， 如 果 你 似 綾 瀨 遙 咁 靚 咁 好 身 材 ， 係 易 好 多 令 人 一 見 鍾 情 ， 但 上 完 床 滿 足 完 後 還 是 不 是 可 以 維 持 落 去 ， 又 是 另 一 回 事 。 《 機 械 人 女 友 》 令 我 無 法 代 入 的 ， 應 該 是 因 為 我 實 在 感 受 唔 到 女 的 ， 有 愛 過 男 的 ， 而 不 是 執 行 任 務 。 這 方 面 ， 郭 在 容 可 能 要 有 漫 畫 《 電 影 少 女 》 的 篇 幅 才 足 夠 。

但 是 ， 可 以 怪 導 演 嗎 ？ 拍 了 一 套 全 亞 洲 人 人 喜 愛 的 電 影 ， 然 後 成 了 名 ， 然 後 製 作 成 本 越 來 越 高 ， 老 闆 越 來 越 保 險 ， 你 最 好 拍 到 套 一 定 好 得 過 《 野 蠻 女 友 》 的 。 嘩 ， 講 咁 易 呀 ! 於 是 ， 被 逼 重 複 自 己 ， 像 《 機 械 人 女 友 》 ， 一 樣 是 外 表 兇 猛 的 美 女 ， 其 實 溫 柔 到 不 得 了 ， 中 間 很 多 故 作 輕 鬆 少 少 好 笑 的 片 段 ， 然 後 用 多 出 來 的 錢 ， 炮 製 其 實 不 太 需 要 甚 至 有 反 效 果 的 特 技 場 面 ， 以 為 可 以 製 造 一 個 蕩 氣 迴 腸 的 收 場 。 錢 ， 可 以 製 造 災 難 ， 卻 其 實 不 能 製 造 浪 漫 ， 睇 到 那 些 沒 有 感 情 的 地 震 場 面 ， 像 見 到 一 個 小 朋 友 ， 突 然 有 錢 了 唔 識 點 用 好 ， 就 買 大 量 名 牌 啦 ， 點 知 唔 識 襯 ， 反 而 不 倫 不 類 ， 這 也 是 近 幾 年 日 本 片 經 常 出 現 的 問 題 ， 搞 到 我 都 有 少 少 驚 《 二 十 世 紀 少 年 》 的 成 績 。
定 係 香 港 人 在 妒 忌 日 本 人 呢 ？ 你 看 看 《 家 好 月 圓 》 ？ 李 司 棋 還 在 參 考 《 我 的 母 親 父 親 》 喎 ？ 只 不 過 ， 《 機 械 人 女 友 》 真 的 是 日 本 片 嗎 ？ 由 色 彩 、 配 樂 、 不 斷 穿 插 的 歌 曲 選 擇 ， 全 部 都 充 滿 韓 劇 特 質 ， 這 一 次 日 韓 交 流 ， 似 乎 還 未 至 於 老 闆 大 晒 。 而 我 最 希 望 的 ， 是 導 演 可 以 拍 番 低 成 本 ， 自 己 話 番 事 。 無 大 志 ？ 做 人 ， 一 定 要 有 大 志 嗎 ？

==============================

75分？我現知道原來75分是甚麼標準了。此片令我很失望。

trailer